Tafsir Surat al-Fatihah Versi Ilmu Cirebon

Tafsir Surat al-Fatihah

بِسْمِ اللهِ الَّرحْمَنِ الَّرحِيْمِ  

Punika tafsiring Fatihah kang tanpa budiyah dalilullah iku jenenge, tegese dalil iku tuduh ing sakehing nabi kabeh.

بِسْمِ اللهِ (bismillāh) iku ananing Dzatullah kang angarani ingaranan ing deweke, kang angucap bismillah iku Allah ikulah pastine, kawula iku ora angucap Allah, iya Allah, yakni Sira Panageran andulu dinulu ing deweke angucap ingucap ing deweke, amiharsa pun uga ing deweke, amargi sarining manusa kang manusa iku darma amalesi kewala, tegese iya kang angucap iku Allah Ta’ala.

الَّرحْمَنِ (ar-rahmān) tegese iya Ahmad murah isun anjateni ing sira date, sifate, af’ale iku tunggal dening jinatan kawula iku.

الَّرحِيْمِ (ar-rahīmi) tegese iya Ahmad isun anganakaken ing sira iku mangka gentiningsun yen tan anaha sira, apa nyana ana nisun iya sira.

اَلْحَمْدُ للهِ (al-hamdulillah) tegese iya Ahmad jenenging Dzatullah kang amuji ing deweke jumeneng, kang amuji Allah, kang pinuji Allah.

رَبِّ الْعَالَمِيْنَ (rabbil’ālamīna) tegese iya Ahmad isun anama Allah kang pinangeran dhahir bathin, kang angaweruhi dhahir bathinira kabeh, angaweruhi Allah kang kang kinaweruhan Allah.

 

مَالِكِ يَوْمِ الدِّيْنِ  الَّرحْمَنِ الَّرحِيْمِ (ar-rahmāni ar-rahīmi māliki yaumiddīn) tegese iya Ahmad keraton isun ana ing sira ora jumeneng ratu isun yen tananaha sira agama nisun iku jenenge ananira iku, kang aningali Allah, kang tiningalan Allah ikulah agama.

إَيَّاكَ نَعْبُدُ (iyyaka na’budu) tegese iya Ahmad panembah ira iku jumneng isun, pastine kang anembah iku Allah kang sinembah iku pun iya Allah.

 وَإِيَّاكَ نَسْتَعِيْنُ(waiyyaka nasta’in) tegese iya Ahmad sira kang minangka gedong isun, ana kang ora isi iku isun.

 إِهْدِنَا الصِّرَاطَ الْمُسْتَقِيْمِ(ihdinash shirathal mustaqim) tegese iya Ahmad tuduhe gusti iku nyatane anane kabeh ora beda isun kelawan sira.

 صِرَاطَ الَّذِيْنَ أَنْعَمْتَ عَلَيْهِمْ(shirathal ladzina an’amta ‘alaihim) tegese iya Ahmad marga nisun suka dene wus nyata ana nira nabi wali mukmin iku kabeh saking sira kang mingka bayah ing roh kabeh, sira kang sun dadekaken kahananisun kang minangka timbalan isun.

 غَيْرِ الْمَغْضُوْبِ عَلَيْهِمْ(ghairil maghdlubi ‘alaihim) tegese iya Ahmad sira iku dudu isun, isun iki dudu sira, iya isun tanana liyan anira.

 وَلَا الضَّالِّيْنَ(waladlalliin) tegese iya Ahmad ora gantung malih. Punika kawikanana martabating kawula gusti marganing sampurna sih isun sawuse ananira iki iku gantinisun yen sira ana sira iku jatining fatihah.

 آمِيْنَ(amin) tegese iya Ahmad sira iku sarira nisun, sira kang minangka patemuning iya iku tunggal isun kelawan sira ora beda ing dunya rawuh ing akhirat.

Diterbitkan oleh

Muhamad Mukhtar Zaedin

Pengurus Pusat Konservasi dan Pemanfaatan Naskah Klasik Cirebon

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s